ಸಯ್ಯಿದುತ್ತಾಬಿಈನ್ ಉವೈಸುಲ್ ಖರ್ನಿ (ರಅ)

السَّلاَمُ عَلَيْكُمْ وَرَحْمَةُ اللّٰهِ وَبَرَكَاتُهُ

*══❁✿🕳.﷽ .🕳✿❁══*

▪•••┈┈•••💧•••┈┈•••▪
*::::: 🌳🌱ಮೊಳಕೆ🌱🌳 :::::*
▪•••┈┈•✿❁✿•┈┈•••▪

▪•••┈┈•••💧•••┈┈•••▪
*:::🌳ಸಯ್ಯಿದು ತ್ತಾಬಿಈನ್🌳:::*
▪•••┈┈•✿❁✿•┈┈•••▪

                           *****
ಉವೈಸುಲ್ ಖರ್ನಿ ತಾಬಿಉಗಳಲ್ಲಿ ಪ್ರಧಾನಿಯಾಗಿದ್ದಾರೆ(ಸಯ್ಯಿದು ತ್ತಾಬಿಈನ್) . ಅವರ ಪೂರ್ಣ ಹೆಸರು  ಅಬೂ ಅಂರ್ ಉವೈಸ್ ಇಬ್ನು ಆಮಿರ್ ಇಬ್ನು ಜುಝ್ಅ ಇಬ್ನು ಮಾಲೀಕ್ ಅಲ್ ಖರ್ನಿ ಅಲ್ಮುರಾದಿ ಅಲ್ಯಮಾನಿ(ರಅ) . ಅವರು ಸ್ವಹಾಬಿ ಎಂದು ಅಭಿಪ್ರಾಯವಿದ್ದರೂ ಪ್ರಭಲ ಅಭಿಪ್ರಾಯ ತಾಬಿಈ ಎಂದಾಗಿದೆ . ಪ್ರವಾದಿ ವರ್ಯರ ಕಾಲದಲ್ಲಿ ಜೀವಿಸಿ ಇಸ್ಲಾಂ ಸ್ವೀಕರಿಸಿದ್ದರೂ ಪ್ರವಾದಿಯವರನ್ನು ಕಾಣಲು ಭಾಗ್ಯ ಉಂಟಾಗಲಿಲ್ಲ . ಪ್ರವಾದಿಯವರನ್ನು ಅತಿಯಾಗಿ ಪ್ರೀತಿಸುತ್ತಿದ್ದರೂ ತನ್ನ ವಯಸ್ಸಾದ ತಾಯಿಯನ್ನು ಬಿಟ್ಟು ಮದೀನಕ್ಕೆ ಹೋಗಲು ಕಷ್ಟವಾಯಿತು.
ಪುಣ್ಯ ಪ್ರವಾದಿಯವರು ಈ ಮಹಾನರ ಕುರಿತು ಸ್ವಹಾಬಿಗಳಿಗೆ ಹೇಳಿಕೊಡುತ್ತಿದ್ದರು . ಖಲೀಫ ಉಮರ್(ರಅ) ರವರು ತನ್ನ ಬಳಿಗೆ ಯಮನಿನಿಂದ ಯಾವುದೇ ವ್ಯಾಪಾರಿ ಸಂಘ ಬಂದರೆ ಅವರಲ್ಲಿ ಉವೈಸ್ ಖರ್ನಿಯ ಕುರಿತು ಕೇಳುತ್ತಿದ್ದರು . ತನ್ನ ಸರ್ವಸ್ವವನ್ನೂ ತಾಯಿಗಾಗಿ ಮೀಸಲಿಟ್ಟ ಮಹಾನ್ ತ್ಯಾಗಿ, ಇಹಲೋಕದ ಸುಖ ಸೌಕರ್ಯಗಳನ್ನು ತೊರೆದು ಪರಲೋಕ ಮೋಕ್ಷ ಮತ್ತು ಪ್ರವಾದಿ ಸ್ನೇಹಕ್ಕಾಗಿ ಅರೆ ಬಟ್ಟೆಯಲ್ಲಿ ಅಲೆದಾಡಿದ ಆತ್ಮೀಯ ಲೋಕದ ಬೆಳ್ಳಿ ನಕ್ಷತ್ರ . ಹಗಲಿರುಳು ಅಲ್ಲಾಹನ ಧ್ಯಾನದಲ್ಲಿ ತಲ್ಲೀನರಾಗಿ ಸೃಷ್ಟಿಕರ್ತನ ಸಾಮೀಪ್ಯ ಪಡೆದ ಮುಸ್ತಜಾಬು ದಅವ .

ಮುರಾದ್ ಗೋತ್ರದ ಒಬ್ಬರು ಉವೈಸುಲ್ ಖರ್ನಿಯವರನ್ನು ಸಂದರ್ಶಿಸಿದಾಗ ಮಾತಿನೆಡೆಯಲ್ಲಿ ಆತ ಹೇಳಿದ ಸಮಯ ಎಷ್ಟು ಬೇಗ ಚಲಿಸುತ್ತಿದೆ ಅಲ್ಲವೇ..? ಅದಕ್ಕುತ್ತರವಾಗಿ ಉವೈಸುಲ್ ಖರ್ನಿ(ರಅ) ರವರು ಹೇಳಿದರು: "ಬೆಳಿಗ್ಗೆಯಾದರೆ ಸಂಜೆ ಆಗುವುದಿಲ್ಲವೆಂದೂ , ಸಂಜೆಯಾದರೆ ಬೆಳಗಾಗುವುದಿಲ್ಲವೆಂದೂ ಭಾವಿಸುವ ಒಬ್ಬ ಮನುಷ್ಯ ಸಮಯದ ಕುರಿತು ಏನು ತಾನೇ ಹೇಳಬಲ್ಲ...!? ಆವಾಗ ಕೆಲವರಿಗೆ ಸ್ವರ್ಗ ಲಭಿಸಿರುತ್ತದೆ ಮತ್ತೆ ಕೆಲವರು ನರಕ ವಾಸಿಗಳಾಗಿರುತ್ತಾರೆ . ಓ ಗೆಳೆಯಾ..! ಮರಣ ಮತ್ತು ಅದರ ಕುರಿತಾದ ಚಿಂತೆ ಉಂಟಾದರೆ ಮುಅಮಿನಾದವನಿಗೆ ಸಂತೋಷ ಉಂಟಾಗದು . ಅವನಿಗೆ ಅಲ್ಲಾಹನ ಕುರಿತಾದ ಭೋಧವಿದ್ದರೆ ಅವನ ಸಂಪತ್ತಿನಲ್ಲಿ ಒಂದು ಅಣುವಿನಷ್ಟು ಚಿನ್ನ ಅಥವಾ ಬೆಳ್ಳಿ ಉಳಿಯುವುದಿಲ್ಲ" .

ಸ್ವಿಫ್ಫೀನ್ ಯುದ್ದದಲ್ಲಿ ಅಲೀ(ರಅ) ರವರೊಂದಿಗೆ ಸೇರಿ ಯುದ್ಧ ನಡೆಸಿ , ಆ ಯುದ್ದದಲ್ಲಿ ಅವರ ಶರೀರ ನಲ್ವತ್ತಕ್ಕಿಂತಲೂ ಅಧಿಕ ಗಾಯಗಳೊಂದಿಗೆ ಶಹೀದ್ ಆದರು ಎಂದೂ ಅಝರ್ಬೈಜಾನಿನ ಒಂದು ಯುದ್ಧದಲ್ಲಿ ಅವರು ಶಹೀದ್ ಆದರು ಎಂದೂ ಅಭಿಪ್ರಾಯಗಳಿವೆ. 
ಅಲ್ಲಾಹನು ಅವರೊಂದಿಗೆ ನಮ್ಮನ್ನೂ ಅವನ ಸ್ವರ್ಗ ಲೋಕದಲ್ಲಿ ಒಂದುಗೂಡಿಸಲಿ ...ಆಮೀನ್. 🤲

صلّوا على النبي ﷺ 
اللهم صل على سيدنا محمد وعلى اله وصحبه وسلم

〰〰❁✿🌹•🌹✿❁〰〰
 *✍|🅜|🅤|🅢|🅐|🅕|🅘|🅡|*
 〰〰❁✿🌹•🌹✿❁〰〰